Khuli ankhon mein sapna jagtaa hai,
Woh soya hai ki, kuchh kuchh jagtaa hai?
Teri chahat ke bheege jangalon mein,
Meraa tan mor ban ke nachtaa hai.
Mujhe har kaifiyat mein kyon na samjhe!
Woh mere sab havale jantaa hai.
Kisi ke dhyaan mein dooba hua dil,
Bahane se mujhe bhi taltaa hai.
Sadak ko chhod kar chalnaa padega,
Ki mere ghar ka kachchaa raastaa hai.
No comments:
Post a Comment