Pagli Ladki

Mawas ki kaali raaton mein, dil ka darwaja khulta hai,
Jab dard ki pyaali raaton mein, gam ansoon ke sang hote hain,
Jab pichhwade ke kamre mein, hum nipat akele hote hain,
Jab ghadiyan tik-tik chalti hain, sab sote hain, hum rote hain,
Jab baar baar dohrane se, saari yaadein chuk jaati hain,
Jab unch-neech samjhane mein, mathe ki nas dukh jaati hain,
Tab ek pagli ladki ke bin, Jeena gaddaari lagta hai,
Aur us pagli ladki ke bin, Marna bhi bhaari lagta hai.

Jab pothe khali hote hain, jab har taraf sawali hote hain,
Jab gazlen raas nahin aati, afsaane gaali hote hain.
Jab baasi feeki dhoop samete, din jaldi dhal jaata hai,
Jab suraj ka laskhar chhat se, galiyon mein der se jaata hai,
Jab jaldi ghar jaane ki ichha, mann hi mann ghut jaati hai,
Jab college se ghar laane waali, pahli bus chhut jaati hai,
Jab beman se khaana khaane par, maa gussa ho jaati hai,
Jab lakh mana karne par bhi, Paaro padhne aa jaati hai,
Jab apna har manchaha kaam, koi lachari lagta hai,
Tab ek pagli ladki ke bin, Jeena gaddaari lagta hai,
Aur us pagli ladki ke bin, Marna bhi bhaari lagta hai.

Jab kamre mein sannate ki, awaaj sunaai deti hai,
Jab darpan mein aankhon ke neeche, jhaai dikhaai deti hai,
Jab badki bhabhi kahti hain, kuchh sehat ka bhi dhyaan karo,
Kya likhte ho dinbhar, kuchh sapnon ka bhi sammaan karo,
Jab baba waali baithak mein, kuchh rishte waale aate hain,
Jab baba hamein bulate hain, hum jaate hain, ghabraate hain,
Jab saari pahne ek ladki ka, ek photo laya jaata hai,
Jab bhabhi humein manati hain, photo dikhlaya jaata hai,
Jab saare ghar ka samjhana, humko fankaari lagta hai,
Tab ek pagli ladki ke bin, Jeena gaddaari lagta hai,
Aur us pagli ladki ke bin, Marna bhi bhaari lagta hai.

Didi kahti hain us pagli ladki ki kuchh aukaat nahin,
Uske dil mein bhaiya, tere jaise pyare jajbaat nahin,
Woh pagli ladki nau din, mere liye bhooki rahti hai,
Chup-chup saare vrat karti hai, par mujhse kabhi na kahti hai,
Jo pagli ladki kahti hai, main pyar tumhi se karti hoon,
Lekin mein hoon majboor bahut, amma-baba se darti hoon,
Us pagli ladki par apna, kuchh bhi adhikaar nahin baba,
Yeh katha-kahani kisse hain, kuchh bhi to saar nahin baba,
Bas us pagli ladki ke sang jeena fulwari lagta hai,
Aur us pagli ladki ke bhin marna bhi bhaari lagta hai.

Sada chidiyan da chamba ve

Sada chidiyan da chamba ve, babul asan ud jana
Sadi lambi udari ve, babul kede des jana

Tere mehlan de vich vich ve, babul gudiyan kaun khede?
Meriyan khedan potariyan, dhiye ghar ja apne

Tere mehalan de vich vich ve, babul charkha kaun katey?
Meriyan katan potariyan, dhiye ghar ja apne

Mera chuta kasida ve, babul das kaun kade?
Meriyan kadan potariyan, dhiye ghar ja apne

Tereyan bagan de vich vich ve, babul dola nahi langda
ik tehni patt devan, dhiye ghar ja apne

Teriyan pe diyan galiyan ch ve, babul dola nahi langda
ik itt patt devan dhiye ghar ja apne